TVB剧《僵》寻晚终于播出大结局，观众对于结局反应不一，有人觉得太hea有人觉得几新鲜，而对主角谢安琪(Kay)嚟讲，当然就系好唔舍得啦！
话说阿Kay昨晚约埋一大班fans睇大结局，仲喺Facebook玩直播，睇完结局后阿Kay就坦言非常不舍，好似失恋咁！而且要重投「张师奶」的生活，唔知几时先再见到大家！讲到《僵》会唔会拍续集，阿Kay就引入剧中对白卖关子：「永远都系一个谜，就好似不死人一样！」
至于阿Kay老公张继聪呢晚当然有开电视支持老婆，仲隔空同萤幕中的阿Kay合照。不过最爆都系佢用近日流行的变脸app将自己变到僵尸咁样，唔通佢想同刑活着决斗，抢番阿Kay？
